Konfransda öncə Ohridin sərgi salonlarından birində Belarusun tarixi-mədəni dəyərlərindən ibarət sərginin açılışı oldu. Ənənəyə görə hər il konfrans öncəsi bir ölkənin sərgisi olur. Xatırladım ki, ötən il keçirilən II Beynəlxalq Ohrid konfransı çərçivəsində Azərbaycanın tarixi-mədəni dəyərlərindən ibarət sərginin nümayişi olmuşdu.
Festival çərçivəsində müxtəlif folklor qruplarının mədəni proqramlarında iştirak etmək, sərgi-yarmarkaya qoşulmaq, oturma gecələrini və axır çərşənbə tonqallarını izləmək, Ağsu turuna qatılmaq mümkündür. Kənd sakinləri ilə təmasda olmaq, kənd mətbəxini dadmaq, qurşaq atmaq, kənddən maraqlı fotolar çəkmək, folklor araşdırması aparmaq və s. mümkün olacaq.
Şura sədri, Millət vəkili Azay Quliyev 2014-cü ilin Şura üçün uğurlu il olduğunu və yerinə yetirilən layihələrin aktuallığı və effektivliyi baxımından özünəməxsusluğunu qeyd edib. Ötən il ərzində Şura iki maliyyə yardımı müsabiqəsi elan edib. Şuraya 2014-cü il ərzində 768 təklif daxil olub. Bu təkliflərin 403-ü həyata keçirilib. Qeyri-Hökumət Təşkilatlarına Dövlət Dəstəyi Şurasının 2014-cü ildəki fəaliyyəti ilə bağlı video-rolik nümayiş olunub. Ötən maliyyələşmə ilində QHT-lər maarifləndirici tədbirlərə daha çox üstünlük verib.
Tədbiri giriş sözü ilə Jupa bələdiyyəsinin sədr müavini Munir Bastri açıb. Tədbir iştirakçıları əvvəlcə 20 Yanvar şəhidlərinin xatirəsini bir dəqiqəlik sükutla yad ediblər. MİRAS Mədəni İrsin Öyrənilməsinə Kömək İctimai Birliyinin sədri, Dr. Fariz Xəlilli Azərbaycan nümayəndə heyətinin Makedoniya səfəri və Azərbaycan-Makedoniya mədəni əlaqələrinin perspektivləri barədə məlumat verib.
Konfransda Makedoniya, Albaniya, Rusiya, Litva, Serbiya, Bosniya və Hersoqovina, Bolqarıstan, Belarus, Polşa və b. daxil olmaqla 14 ölkəni təmsil edən tədqiqatçı və alimlər məruzə ilə çıxış ediblər. Azərbaycanı konfransda müxtəlif elmi müəssisə və universitetlərdən 15-ə yaxın alim və tədqiqatçı təmsil edib. Bununla yanaşı, müxtəlif ölkələrdən MİRAS İctimai Birliyi ilə əməkdaşlıq edən elm adamları da konfransa qoşulublar.
Konfransda Makedoniya, Albaniya, Rusiya, Litva, Serbiya, Bosniya və Hersoqovina, Bolqarıstan, Belarusiya, Polşa və s. ölkələrdən çox sayda tədqiqatçı və alimlər məruzə ilə çıxış edəcəklər. Azərbaycanı konfransda müxtəlif elmi müəssisə və universitetlərdən 20-yə qədər alim və tədqiqatçı təmsil edəcək.
Daha sonra fəaliyyət göstərdiyi 5 il ərzində İctimai Birliyi daim dəstəkləyən 5 insana MİRAS mükafatı təqdim olunub. Bunlar Azərbaycan Respublikası Mədəniyyət və Turizm naziri Əbülfəs Qarayev, Azərbaycan Respublikası Dövlət Neft Şirkətinin vitse-prezidenti Mikayıl İsmayılov, Azərbaycan Respublikası Prezidentinin yanında QHT-lərə Dövlət Dəstəyi Şurasının sədri Azay Quliyev, Ağsu arxeoloji ekspedisiyasının rəisi, professor, tarix elmləri doktoru Qafar Cəbiyev və MİRASın İtaliyada təmsilçisi, professor Luigi Scrinzidir.
Yubiley tədbirində birliyin fəaliyyətini ən çox və hərtərəfli işıqlandıran 5 mətbuat nümayəndəsinə MİRASın dostu plaketi təqdim olunub.
Bundan başqa Birliyin fəaliyyətində əməyi olan əksər üzvlər xatirə hədiyyələri alıblar.
Konfransda çıxış edən Azərbaycan Texniki Universitetinin professoru, Tarix kafedrasının müdiri Şikar Qasımov Mersin Universitetinin rəhbərliyinə müxtəlif ölkələrin tələbələrinə bu kürsüdən xitab etmək üçün yaratdığı şəraitə görə minnətdarlıq edib. Bildirib ki, tariximizi dərindən öyrənən gənclik bugünkü qlobal mənada siyasi, iqtisadi və mədəni proseslərin gedişində öz yerlərini müəyyən edə bilər. Ortaq dəyərlər bizi birləşdirir və bu dəyərlərin araşdırılmasına sövq edir. 1915-ci il hadisələrini xatırladan Şikar Qasımov türklərin daha öncə erməni terror dəstələri tərəfindən hücumlara məruz qaldığını qeyd edib. Quldur Andronikin istər Anadoluda, istərsə də Qafqazda törətdiklərini konkret faktlarla diqqətə çatdırıb, Sultan bəy və Xosrov bəy Sultanov qardaşlarının onun azğınlaşmış dəstəsinin qarşısını Laçının Qanlı Dərə adlanan yerdə alınmasından və Qarabağda bir erməni dövlətinin yaranmasına imkan verməməsindən bəhs edib.
