14-16 martda II BEYNƏLXALQ TƏRƏKƏMƏ ÇƏRŞƏNBƏSİ FOLKLOR FESTİVALI keçiriləcək. Festival 2 gecə 3 gün ərzində baş tutacaq. Festival çərçivəsində müxtəlif folklor qruplarının mədəni proqramlarında iştirak etmək, sərgi-yarmarkaya qoşulmaq, oturma gecələrini və axır çərşənbə tonqallarını izləmək, Ağsu turuna qatılmaq mümkündür. Kənd sakinləri ilə təmasda olmaq, kənd mətbəxini dadmaq, qurşaq atmaq, kənddən maraqlı fotolar çəkmək, folklor araşdırması aparmaq və s. mümkün olacaq.

Dekabrın 26-da Ağsu rayonunun Gəgəli kəndində "Ağsuda zəngin alban mədəni irsi - Nərgizava" kitabının təqdimatı, Gəgəli kənd Həkim Fazil Cəlilov Mədəniyyət evinin açılışı, I Tərəkəmə Çərşənbəsi Folklor Festivalı fotosərgisinin nümayişi, Gəgəli kənd Qadınlar Klubunun hazırladığı əl işlərinin yarmarkasından ibarət Gəgəlilərin yurd görüşü tədbiri keçirilib.

MİRAS Mədəni İrsin Öyrənilməsinə Kömək İctimai Birliyinin idarə heyəti növbəti toplantısını keçirib. Toplantıda idarə heyətinin sədri Fariz Xəlilli, heyət üzvləri və Nəzarət-Təftiş Komissiyasının üzvləri də iştirak edib.Тoplantıda 2016-cı il üçün hazırlanmış iş planına daxil olmuş fəaliyyətlər müzakirə olunub və təkliflər dinlənilib. Hesabat formatlı bu toplantıda MİRAS İctimai Birliyinin 2015-ci ildə həyata keçirdiyi layihələri və tədbirləri sadalanıb.

 Dekabrın 17-də Bülbülün Memorial Muzeyi və MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə "Mədəni irsin tanıdılmasında musiqi və folklor ənənələrinin rolu" mövzusunda seminar keçirilib.

Oktyabrın 19-da Orta əsr Ağsu şəhər Arxeoloji turizm kompleksində MİRAS Mədəni İrsin Öyrənilməsinə Kömək İctimai Birliyi və İtaliyanın YOCOCU Beynəlxalq Assosiasiyasının birgə təşkilatçılığı ilə arxeoloji sahələrin konservasiyası, bərpası və idarə olunması üzrə tələbə və gənc mütəxəssislər üçün II YOCOCU (Mədəni İrsin Konservasiyasında Gənclər) Ağsu Məktəbi öz işinə başlayıb.

15 oktyabr saat 11.00-da MİRAS Mədəni İrsin Öyrənilməsinə Kömək İctimai Birliyi Azərbaycan Dövlət Mədəniyyət və İncəsənət Universitetində “Arxeoloji abidələrin inklüziv turizm perspektivləri və əlillərin reabilitasiyasına dəstək” layihəsinin Nəticələr, Təkliflər, Tövsiyələr adlı kitabının, layihə çərçivəsində təklif olunan İnkluziv turların və layihə nəticələrinə dair yekun hesabatın təqdimatını keçirib.

Sizi 15 oktyabr tarixində saat 11.00-da Azərbaycan Dövlət Mədəniyyət və İncəsənət Universitetinin akt zalında “Arxeoloji abidələrin inklüziv turizm perspektivləri və əlillərin reabilitasiyasına dəstək” layihəsinin NƏTİCƏLƏR, TƏKLİFLƏR, TÖVSİYƏLƏR adlı kitabının, layihə çərçivəsində təklif olunan İnkluziv turların və layihə nəticələrinə dair yekun hesabatın təqdimatına dəvət edirik.

Alimlər, fəlsəfə doktorları, tədqiqatçılar, anthropoloqlar/etnoloqlar, turizmçilər, media, arxeologiya, tarix, incəsənət, incəsənət tarixi, filologiya, ədəbiyyat, folklor, etno-musiqişünaslıq, memarlıq, muzeyşünaslıq, arxiv, audio-vizual sənətlər, informasiya elmləri/ texnologiya, coğrafiya, sosiologiya, psixologiya mözvzusunda çalışanlar konfransda iştirak etməyə dəvət olunur. Məqalələr əsasən mədəni irs, iqtisadiyyat, turizm, media , mədəni identiklik, terrorizm, miqrasiya və qaçqınlar və s. mövzularını əhatə etməlidir.